| Türkiyənin “Eurovision-2010” müsabiqəsi |
|
.jpg&thumb=570)
|
|
Bu ilin mayında Norveçin paytaxtı Osloda keçiriləcək 55-ci “Eurovision” mahnı müsabiqəsində Türkiyəni “MaNga” rok qrupu təmsil edəcək. APA-nın Türkiyənin “Milliyyət” qəzetinə istinadən yaydığı xəbərə görə, qrup beş musiqiçidən - Fərman Akgül, Özgür Can Öney, Yağmur Sarıgül, Efe Yılmaz və Cem Bəxtiyardan ibarətdir. Fərman Akgül qrupun solistidir. Məlumatda o da bildirilir ki, “Eurovision” müsabiqəsinin Türkiyə üzrə Yayım Şurası olan TRT rəhbərliyi ötən il Türkiyəni bu müsabiqədə təmsil edən Hadisədən sonra builki yarışmaya qadın yox, kişi solist göndərməyi qərara alıb. TRT-nin bu qərarında Türkiyə təmsilçisinin seçilməsi üçün elan etdiyi internet səsverməsinin də rolu olub. Belə ki, internet səsverməsində də sözügedən qrup daha çox səs toplayıb. Eyni zamanda Türkiyə Yayım Şurasının bu qərarı verməsində təmsilçi qrupun Avropada çox tanınması, eləcə də bu qrupun ötən il “İlin ən yaxşı artisti” adına layiq görülməsi də böyük rol oynayıb. Xatırladaq ki, qrup bu mükafatla “Eurovision-2008” müsabiqəsinin qalibi Dima Bilanı geridə qoyub.
Onu da bildirək ki, internet səsverməsinə adları salınmış türkiyəli müğənnilər Emre Aydın və Şəbnəm Fərah bir neçə gün əvvəl Türkiyə mətbuatında açıqlamalarında “Eurovision” müsabiqəsi üçün təklif alsalar belə, bu təklifi rədd edəcəklərini açıqlayıblar.
|
|
|
|
|
| tarix : 11/06/2010 |
Şerhler
|
|
|
|
| Haqqımda |
|
|
|
RSS
